16.9.04

Rækjuvíkin framundan

Í fréttum fokking helst að ykkar meinlægur neyðist til að arka suður á borgarbóg. Augna vegna. Setti óvart á mig mömmugleraugun í gær. Kemur í ljós að ég þarf gleraugu. Gat ekki lesið nema korter í einu lengur. Er að breytast í gamlan blindan bolabít. Ég þarf að fara suður til að öðlast nýja sýn á lífið. Ekki enn ljóst hver ferðamátinn verður en Sammi er búinn að bjóða mér far með Stólarútunni. Það mun vera leikur á laugardaginn suður á Boltanesjum. Mér líst mátulega illa á það. Ekki heldur ljóst með dvalarstað í höfuðskekkjunni en tel líklegast að ég muni tjalda í Klink og Bank. Roklendingur mun því ekki eiga blogggengt næstu daga og þið heyrið frá mér að sunnanferð lokinni. Gef þá skýrslu um Rækjuvíkurnætur. Kæru Frónsmenn og Króks, takið ker þangað til.

Comments:
Það er sorglegt hvað þetta er lélegt, Böddi minn. Ef það er þetta sem kemur manni á blað í bókmenntaheiminum, þá held ég að allir menntskælingar Íslands ættu að taka sig til og skrifa bók. Þetta er ekki flóknara en að sauma saman eigin aumingjaskap, blandað saman við þvælulega orðaleiki og enskslungna tungu (og þó fordæmir þú ensk áhrif - en kemst greinilega ekki framhjá þeim til að kitla hnésíðar hláturtaugar Reykvíkinga (Rækjuvíkinga??!!). Bjargi mér Allha! Fjandinn, Böddi, ef þetta er afkvæmið, þá gefðu ekki kennarastarfið upp á bátinn. Snautleg er sú þjóð sem bindur trúss sitt við fimmaurabrandara.

Olmar

Affedersinis. En einhver verður að segja þér þetta. Kem til Íslands næsta sumar og ræði þá alvarlega við þig.
 
Skrifa ummæli



<< Home

This page is powered by Blogger. Isn't yours?